( وجنة الله ) رداً على شاعر الإصلاح مجيب غنيم

أضف رد جديد
جرح صعدة
مشترك في مجالس آل محمد
مشاركات: 3
اشترك في: الثلاثاء سبتمبر 21, 2010 1:30 pm

( وجنة الله ) رداً على شاعر الإصلاح مجيب غنيم

مشاركة بواسطة جرح صعدة »

قصيدة ( وجنة الله لاهي حق أبوك اثبت)
رداً على شاعر الإصلاح مجيب غنيم

على الرابط التالي :
http://www.4shared.com/audio/BVRZ8bIy/__online.html

من كلمات القصيدة :

مطلع القصيدة :
يا من سألنا عن أسباب الحروب الست *** ذي في شمال اليمن ويش اللي ألصاها

واخترنا لكم قبسات مكتوبه من سياق القصيدة ، كما يلي :-

واقرا الملازم وشوف أورقها ايش ضمت *** وشوف ما قال حسين البدر واقراها
سيدي حسين عد أمة لليهود هزت *** قرآن ناطق من القرآن وعّـاها

قلنا الله أكبر ، وقالوا لا تقول اسكت *** والموت لأمريك واسرائيل قلناها
ولعنة الله على كل اليهود حقت *** ونصر الإسلام في الصرخ اختتمناها
هذه براءة من أمريكا وما سوت *** قالوا جريمة كبيرة حين رفعناها
إحنا لعنا اليهود ، ليش أخوتك هبّـت *** والله لو ما تعدت ما قتلناها
خصومنا من تعدت ، بإيش ما اتسمت *** يهود وإلا سعود ، من جت قشطناها


ويش اسمها القوم ذي جت في "رفـح" بنّت *** حسني مبارك وجنده ، هكذا اسماها
ما حاصر القدس أبو زنار ولا مسبت *** بل مصـر من شاد بالفولاذ مبناها
شرطة لـ"باراك" لا قال اثبتي تثبت *** وإن قال هبي ، ربع كلمة ومشّاها


ويوم جا "بوش" بغداد ما يد امتدت *** كل الشعارات ذي كان يرفع اخفاها
قولوا لنا أي دولة مدت أو هدت *** كل الدول فلتت بغداد وابناها
لا عاد شعارات ، ولا عاد العرب لـحّـت *** مال التناوير ماحد زد ألصاها


ليش الدعاة حقكم يا صاحبي ضجت *** ليش الهتاف ضد الأمريكان غـثّـاها !؟


باب الجهاد يفتتح متى اليهود اشتت *** وإن ماتبيش جهاد ، عالمكم ألغاها !


لبيت الأمريك ضد أعدائها السوفيت *** والقدس ما حد سوى السيد حسن جاها
وين الرجاجيل حقك ، ليش ما هبت؟ *** كم قد قتل منكم في القدس وأقصاها ؟
تبت يد المرجفين بأقوالهم تبت *** وضوء الأشماس ما تقدر على اخفاها


أنصار سيدي حسين بالمعتدي حيّت *** ورحبت بالعمل من وسط مجراها
إذا الجنود اعتدت سيوفنا استلت *** وتقرح الحرب ، وإن رجعت تركناها
سيوفنا ضد الأمريكان احتـدّت *** وإن اعتدت دولة الطاغي رميناها


من قال إيران هي اللي مولت وادّت *** وين بحر صعدة يقول لي وين ميناها !؟
هذه دعايات لا نفعت ولا ضرت *** واهل العقول ما تصدقها وتوعاها
على المنافذ هي امريكا ذي استولت *** بوارج البيت الأبيض تعتلي ماها


ما حد سأل عن حروب "مران كيف تمت *** ضد الحسين خير خلق الله وأتقاها
دعاتكم بل زد أوصت بالحروب افتت *** وجوزت قتل الأطفال وسط مزباها
وأفعالكم مثل ذي هو قاتل الميت *** وسار يقبر ويبكي وقت مشاها !؟


أفلام على رؤوس الأحرار أضحكت وابكت *** قل لي على من بتضحك ؟ قد فهمناها
انتوا مواطير لأغضاب الرجال مـصّـت *** لأبكى الشعوب الزعيم ، جاء شعرك أسلاها !؟


مـصّ الغضب يا خطير ، نكت لهم نكت ! *** كحولك أحرق عيوب الشعب واعماها


وجنة الله لاهي حق أبوك اثبت *** مش حق أبوك ؟ ليش تحلف ما دخلناها !؟
استغفر الله على الكلمة ذي زلـت *** واحذر من النار ، حاسب قبل تلظاها

أضف رد جديد

العودة إلى ”مجلس الصوتيات والمرئيات“