للطحاطيح " الأذكياء " فقط !

[لــؤي]

أخي أول عليك أن تجد " الزبادي " بعدين عتلقى اللحوح تحت السرير

[الانتصار]

هل عرفت الحل يا اخي عصي الدمع..... لا تضحكوا عليا... الرجاء

كيف اوصل الى تحت السرير ....ومن اي جهة ...وايش اضغط...........ومن فين جت الزبادي

وايش فائدة الديسك الفاضي.... اشتي اعرف... كيف حليت.. أو رسل لي رسالة خاصة...

لأني ماعد عرفت كيف الحل....... اذا ما تشتوا تفضحوا الحل... الرجاء... لأني تعبت..

وايش فائدة الورقة المكتوبة...

[نشوان الحميري]

رغم انني لست من الطحاطيح ورغم انني لم أجد اللحوح والزبادي

إلا أني بالتعاون مع من احب خرجنا ولله الحمد بعد ما كسرنا الزرة

[جويـدا]

أخي الانتصار،
مابش لحوح ولا زبادي، به عصيدة.
اجلس اعصد في الورقة حق العنوان، وانت عتلقى الحل، وعتلقى ارقام الخزنة "مش في الورقة نفسها"، بس مثل ما قلت لك اعصد فيها شوية، وعتخرج بإذن الله.
موفق أخي.
والله يسامحك أخي عصي، قد كنت دورت حاجة تشبه اللحوح في الأدراج كلها.
وجب دكتور العيون وجب.

[وجدانُ الأمةِ]

هنيت لكم والطيرفة الذي فيكم....أكثر حاجة تعصب بي لما تضيع عليا حاجة واجلس ادورها. عاد أنا شاقلب الدوار لعبة..عنه ما خرج هذا الرجال..يوف تعبت ..وانا ذلحين معصبة ومشتيش اللعب

[الانتصار]

يا اخوان ويا اخوات ... انتوا ما قد سمعتوا واحد بيقول عجزت ..... سبحان الله ... الإنسان بيعجز في اشياء سهلة...........ويشتي يوقع افضل من غيره...

قد صاحب اللغز قسم الناس اقسام ... انا لست من الأربعة ألف شخص ......

عشان نترك الفرصة للغير واحد يرسل لي رسالة خاصة ويقول لي الجواب ... ارجوكم .. انا تعبت ........ وعندي عمل والله .. الشركة عيتعطل عملها ... بسبب هذا اللغز .. واشتي اخرج من الغرفة ............ لأني حسيت صدق انني داخلها .......... الله اكبر على طاغية اليمن .. حبسنا في غرفة كلها جهل وظلام ............... عموما انا منتظر لكم ..........

يا عصي الدمهع انت ونادر..... خدعتوني .......... وجلست ثلاث ساعات وانا بادور على اللحوح .... لكن ما راحت لكم .... معوضة ......

[الانتصار]

خلاص لا احد يرسل لي ......... عرفت الحل والله ..........

صدق انها عصيدة .................. عصدت الورقة على الخزنة على الحياة ...........

وخرجت........... الذي يشتي يخرج من الظلم الذي عندنا ضروري يعصد الدنيا على الذي فيها .................سلااااااااام...........

[لــؤي]

انا ماعد كملت الحل وذلك لظروف خاصة

[لــؤي]

الذي يشتي يعرف الحل
يجي لي للبيت ولا ينسى الكيوي وانا اقول له كل شي